المساعد الشخصي الرقمي

مشاهدة النسخة كاملة : ما بتتعلم


مجموعة المهاجرين
12-10-2012, 05:05 PM
مالك ديمة براك تتألم من غلطاتك ما بتتعلم ؟
وتاني تريد ترجع تتعذب وتاني تعود تبكي وتتظلم

مابتتعلم

ياما هويت فى عمرك انت وضى العين للردتو وهبتو
فى أعماقك شلتو محبه مخلص أبداً يوم ما خنتو
يجرحك انت ويهجر حبك يبقي جزاك انك صدقتو؟؟

ما بتتعلم

الاخلاص فى الناس فتشتو الا وحاتك يوم مالقيتو !!
وكل الردتو عشقتو غدربك ذنبك كان انك حبيتو !!
ظنيت انو حيوفي ويخلص وغدر احبابك كلو نسيتو ؟؟

ما بتتعلم

الافراح راجيها تزورك وتاني تغرد فرحة طيورك ؟؟
يرجع تاني ربيعة الريدة وتاني يعود فرحان عصفورك؟؟
تنسي شقاك الطال ياقلبي وترجع تاني ندية زهورك ؟؟

مابتتعلم

بت الشمال
12-15-2012, 06:13 PM
قصيده جميلة و معبره

إبراهيم يس
12-16-2012, 03:10 PM
دا كلام في المليان عشت يا خي