المساعد الشخصي الرقمي

مشاهدة النسخة كاملة : عيـــون الدهشـــــة


مجموعة المهاجرين
12-12-2012, 05:24 PM
عيـــون الدهشـــــة

لملم عيون الدهشه فيك والبس حرير الروعه شال
يالفى الجمال ما ليك شريك البشبهك فى الناس محال



علم زهور الروض تفوح تنشر اريجا وعطرها
والقمره برضو تضوى كيف ما انت حافظ سرها
والشمس كيف تشرق تطل والموجه توصل برها
وكيف العصافير فى المساء ترجع تعود لى وكرها


علمتها السهر النجوم بقى ليله بيلاقى الصباح
علمت اسراب النوارس تعشق الموج والرياح
حتى الفراشات والورود علمتها الحب المباح
لملم عيون الدهشه فيك وافرد مع الأنسام جناح


بتحن ليك كل الطيور الراجعه فى ساعة المغيب
ما انت حنيه وديار لى كل زول عايش غريب
انت الهنا وفرح الغنا غناكا فرحه العندليب
لملم عيون الدهشه فيك واتلفح الحنيه توب

..........

على صهوات خيول الريح ورغم الفينى من تجريح
بشيل قلم الصبر واكتب بدم قلبى الكليم و جريح
أسطر فى ضفاير الغيم حروف اسمك غنا وتسبيح
وكل أملاكى فى دنياى دوايه وناى وقلب جريح

بت الشمال
12-15-2012, 06:08 PM
رووووووووووووعه