المساعد الشخصي الرقمي

مشاهدة النسخة كاملة : الغـلطـــــــة


مجموعة المهاجرين
01-08-2013, 04:56 PM
الغلطــة زاتا إتكررت لازلت جاير زي زمان
غدار ومابتعرف وفا وقلبك حجر عدمان حنان



ياحليلي ظنيت الزمــان بى طولتو مــرة يغـيرك
وتحس ظلمتني إنت كيف وضمـيرك إنت يسهرك
تندم تعود لي معــتذر وأغفر قساوتك وأعـــــذرك
لكين خسارة عشمي جيت مالــــقيت زمانك غيرك




والغلطة زاتا إتكررت ورجعت تاني وثقت فيك
صدقت معسول الكلام القلتو لي ورجعت ليك
لكين خسارة جرحتني كان أصلو مامفروض أجي
شان إنت لاعندك شعور لا بى عزاب الناس عليك


انت الجرح لو ضقتو يوم أو لحظه قلبك شال عذاب
أو ليله فيك سهرت عيون أو فيك جفين بالدمعه ذاب
يا داب حتشعر كم جنيت ضيعت لي عمر الشباب
لكين يحس فيك قلب كيف يا الما بتعرف يوم عتاب


صدقني من غلطاتي ديك أنا قلبي إتعلم كتير
مايدي ثقتو لكل زول يهديهو ريد أنبل شعور
لو حب يوم بعدك حبيب سواهو لى عمرو الأمير
صدقني بحذر للخداع شان تاني مايرجع كسير