المساعد الشخصي الرقمي

مشاهدة النسخة كاملة : شـــوق الضـــــــريـــــــر


مجموعة المهاجرين
10-09-2013, 04:22 PM
شـــوق الضـــــــريـــــــر
.
.
.
.
.
بشتاق اليك شوق الضرير
يا رايعه لى ضى النهار
شوق الشجر قطرة مطر
والدنيا صيف عز البوار

* * *

بشتاق اليك وانتى المعاى
سكناكى فى الدم و العروق
يانسمه شايلالنا الخبر
الفى الجبين ضامى الشروق
جايبا الفرح رغم الجرح
لي قلبنا الوافى العشوق
وسمانا - من بعد الضلام -
خلاها تتضارب بروق

* * *

بشتاق اليك لو تبقى لي
فى الغربه زاد سكه ودليل
لو تبقى لى قلبى السمير
وتقصرى السفر الطويل
لو تبقى لي واحة أمان
تنجم فيك خيل الرحيل
تبقى الهنا و فرح الغنا
و تطلى بالزين و العديل

* * *

بشتاق اليك وانتى الهواك
فى الغربه لي يارايعه زاد
يالشوقى ليك رغم البعاد
ما كل من تقلو الفؤاد
بكبر معاى كل يوم بزيد
ما قل بى طول البعاد
جايبنى ليك رغم الدروب
يجمعنا يوم باكر ميعاد