المساعد الشخصي الرقمي

مشاهدة النسخة كاملة : سويتا بى ايدك


مجموعة المهاجرين
11-25-2013, 02:19 AM
سويتا بى ايدك
.
.
.
.
سويتا بى ايدك
غلبت اجاويدك
حبيت غزال نافر
شال فرحتك عيدك

ياقلبى كان مقسوم
تهوى وتحب وتريد
والحب قدر مكتوب
ياقلبى ما بالايد
ماتبكى تندم يوم
اصلو الندم مابفيد

الطرفو خلقه كحيل
والخدو ناعم اسيل
شال نوم عيونى وراح
علمنى سهر الليل
بس كان قدر مكتوب
انا ليهو قلبى يميل

محبوبى لما يغيب
انا حالى ببقى غريب
تنزف جروح الروح
ما القى ليها طبيب
ياريتنى ابقى قريب
من احلى واغلى حبيب

ياقلبى اصبر روق
لى دل سليم الزوق
شايلو الدلال ياقليب
خليهو يهدا يروق
جمر الحنين حراق
واحر نار الشوق

اغنيه ملحنه