المساعد الشخصي الرقمي

مشاهدة النسخة كاملة : البيقولو قلبى


مجموعة المهاجرين
01-21-2014, 04:13 AM
البيقولو قلبى
.
.
.
.
.
.
.
البيقولو قلبى العين ماتشوفو
قلبى حنين بعرفو وزايد ديمه خوفو

قال انك حتخلف لى ميعاد هوايا
وانك يوم حتنسى اخلاصى ووفايا
مستنيك وواقف شايل الشوق برايا
خايف قولو يصدق وارجع بى اسايا

اخلاص قلبى عارفو وعارفو كتير بريدك
مخلص لى غرامك وصاين لى عهودك
لا اتناساكا لحظه لا اخلف وعودك
بيحزن لى غيابك ويفرح بى وجودك

بس لكين غيابك لما يطول عليا
قلبى بشيل همومو ويغرق فى الاسيه
مابيفرح وراكا وحزنو يزيد شويه
يسعد بى وجودك سنينو تصير هنيه

شموخ النيل
01-21-2014, 05:51 PM
روعة متناهية يا أستاذ تنم عن ملكة شعرية رائعة
ننتظر المزيد