المساعد الشخصي الرقمي

مشاهدة النسخة كاملة : تفارقينى


مجموعة المهاجرين
02-04-2014, 05:17 PM
تفارقينى
.
.
.
.
.
.
يموت نبض الزمن فينى
أحس بالغربه فى ذاتى
أضيع كل عناوينى

على خيول الفراق بتسافرى
ترحلى من مداينى أنا
وبينك وبينى تتمدد
مسافات من عذاب وضنا
محطات الفرح تبعد
وتتفجر دموعى غنا
أنادى عليك براى ملهوف
يضيع صوتى ويزيدنى عنا

بيتحرك قطار الفرقه
لا ايدك تأشر لي
ولا عينيك تشيلنى سنا
ولا عطرك يسافر بي
ولا حضنك يدفينى
ولا ايديك تسالم ايدي
ولا كلمة حنان منك
ترجع لى زمانى الضي

فراقك فينى بيفجر
جراح الماضى ولأحزان
عذاب الدنيا كلو أحسو
ساكن فينى فى الوجدان
غريب بعدك أحسو غناى
غريبه أحسها الألحان
واعيش باقى العمر بعدك
عذاب وشقى وأسى وحرمان

شموخ النيل
02-05-2014, 06:44 PM
روعة جد تسلم يا غالي