المساعد الشخصي الرقمي

مشاهدة النسخة كاملة : ﻗﻮﺍﻋﺪ ﺍﻟﺸﻮﻕ


مجموعة المهاجرين
07-21-2014, 10:12 PM
بالليل كلو يوم بتزيد علي اهاتي
بتزيد حرقتي وبتخابتن دقاتي
اب لحظا متل برق الفصول الخاتي
اشرلي ورحل مسخ عليا حياتي
ويوم فقدي العزيز اطبقت ماساتي
نوحت وبكيت هاجن علي سياتي
حسيت بالجحيم تاشيني في راحاتي
ناديت للصبر لمن هردت لهاتي
وياك ست البنات ما كفاية شان تمجيدي
ريدتي الفي جواك ما بتكفي شان تهديدي
عشقك ماهو زاد شان يبقي لي تزويدي
برحل وعزتي وبقدل وارقص جيدي
طلقان الكلام الفيهو ذكرت ريدي
حرمانات حروف هزن غناي وقصيدي
كان جيت في الخيال بقطع خيوطو. بايدي
كان ساكن دماي بالصد بغسلو وريدي
والريل كان نفر بتعب سهام صيادو
والريد المحال بحرق قليب ريادو
خليك يوت امين للدين دوام سدادو
ما الخيل الاصيل بحفظ جميل شدادو

شموخ النيل
07-22-2014, 05:35 PM
تسلم يا غالي
رووووووعة متناهية