المساعد الشخصي الرقمي

مشاهدة النسخة كاملة : الزمن المسافر


admin
08-11-2014, 08:58 PM
الزمن المسافر
وقفى الزمن المسافر
ياعيون ست الضفاير
ياعمر مليان نداوه
يافرح ما طاف بخاطر
عيشى فى جوه الحنايا
سيرى درب الريد معايا
أغسلينى من الاسيه
خلى سكناك فى غنايا
بى حنانك أغمرينى
زيلى شجنى ولون أسايا
خلى حبك يبقى دارى
موطنى وقبلة هوايا
فى جبين الشمس شفتك
شايله لون همس القوافى
وفى عيون العيد لمحتك
ضاحكه زى فرح المرافى
وفى القواسى لقيتو حضنك
زى مداين الريده وافى
وفى زمان التيه لقيتك
مستحيل قلبك يجافى
افسحى لى فى عوالمك
دنيا ضامه الابتسامه
افردى لى ألف صارى
جيبى أفراحك غمامه
سلمينى رسن قوافلك
عندى ألف طريق سلامه
أبقى الفه نور ومرفا
لسه افراح جايا ياما

شموخ النيل
08-18-2014, 07:03 AM
رووووووووووووووووووووووووعة جد
تسلم