المساعد الشخصي الرقمي

مشاهدة النسخة كاملة : لى حكمه


admin
08-21-2014, 04:17 PM
لى حكمه

****************
لى حكمه يعلما هو
لمانى بيك مولاى
اصبحت ليا قريب
قاسمت روحى معاى
***************
اقدارنا جمعت كيف
بينا وبقينا احباب
مع انو كنا بعاد
وسط الدروب اغراب
لو قالو لى بلقاك
دون الخلوق اهواك
القال بظنو يكون
ياسيد هواى كذاب
****************
القسمه كم بتلم
بالصدفه لى قلبين
فى سكتهم تايهين
بى حب وداد وحنين
تديهم الافراح
زهر الهنا الفواح
خايفين زمان الناس
بالفرحه يبقى ضنين
***************
انا وانت دون الناس
لمانا درب الريد
واصبحنا نحنا سعاد
والدنيا فرحه وعيد
بيناتنا احلا غرام
وافراح مدى الايام
وانا بى هواك فرحان
طول بحيا سعيد
**************

شموخ النيل
08-21-2014, 05:06 PM
حكمة جميلة و رائعة لمتني في المهاجرين