المساعد الشخصي الرقمي

مشاهدة النسخة كاملة : نفس الاحساس


مجموعة المهاجرين
08-26-2014, 03:22 PM
نفس الاحساس
.
.
.
.
نفس الاحساس بينى وبينك
مالك ساكت قول واتكلم
ماتضيع ياغالى الفرصه
وترجع تتباكا وتتندم
نفس الاحساس
انا حاسى معاك برتاح اكتر
والعمر معاك بصبح انضر
والوقت بطول ياسيدى وراك
ومعاكا بحسو كتير اقصر
والدنيا بتصبح ورديه
ولي شوفتك تصبح أمنيه
كلمة بهواك حاسى شويه
وما قادر اعبر واتكلم
نفس الاحساس
ما حاسى بى لما اصافحك
ايدى بتبرد ترعش راجفه
ولما عيونى تجى فى عيونك
بتكون زى شايفه وما شايفه
بتمنى سلامنا يطول أكتر
وتقيف الساعه وتتأخر
واتأمل حسنك والمنظر
وتفوت وتعدى وأتألم
نفس الاحساس
عاهدنى اذا اتلاقينا
نتصارح بالحب والريده
لا نزعل يوم لا نتخاصم
لافرقه تطل لاتمد ايده
ونعيش العمر ونتمنى
بالريد نتعاهد وننتغنى
وبالريد دنيانا تصير جنه
وأنا وانت سعاد دايما نحلم
نفس الاحساس

شموخ النيل
08-26-2014, 08:29 PM
تسلم يا زعيم يا غالي
رووووووووووووووعة

شموخ النيل
08-26-2014, 08:42 PM
تسلم يا زعيم يا غالي
رووووووووووووووعة

مجموعة المهاجرين
08-27-2014, 02:03 AM
اقتباس : المشاركة الأصلية كتبت بواسطة شموخ النيل [ مشاهدة المشاركة ] (http://muhageren.com/vb/showthread.php?p=5093#post5093) تسلم يا زعيم يا غالي
رووووووووووووووعة

يسلم مرورك الأروع شاذلي

و زكريا صالح من شعراء عطبرة المخضرمين و المميزين

تحياتي