المساعد الشخصي الرقمي

مشاهدة النسخة كاملة : أحزان الغيمة


مجموعة المهاجرين
09-21-2014, 06:36 PM
أحزان الغيمة

زمنك شال احزان الغيمه

جاب أفراح العمر الوردي

علم قلبي يحب الدنيا

وعلمو قبل ما ياخد يدي


***

زمنا فيهو الزيك انتي

زمنا كلو سعادة وفرحة

زولا شاف يا حلوة عيونك

شاف الطلعة الرايعة وسمحة

يبقي زمانو ملان حنية

ومنك فيهو بسمة ونفحة

يطيب الجرح الطول و نازف

وجمبك حزن الريده يهدي

***
مدنك حضنك ملان حنية

باب مفتوح للجرحو زمانو

من محبوبو علي اخلاصو

جازى وهجر الريد ة و خانو

فيها الريدة بحار فياضة

فيها هَنا زمنو و تحنانو

فرحك غاب من عمرنا مرة

شوقاً لينا يجيبو و يهدي

****

حضنك لما شتات ايامي
من ريح حزني وريح أحزاني

خصب رحم الكون بالفرحة

خلاك تحيي معايا زماني

زمنا فيهو الفرح الأخضر

ياهو زمانك يا عنوانى

فرهد جمبك زهر ايامي

وضاحك أصبح دايما وردي

شموخ النيل
09-25-2014, 06:37 PM
ﺍﻟﺠﻤﺎﻝ ﺍﻟﺸﻔﺘﻮ ﻓﻴﻜﻢ
ﻳﺪﻫﺶ ﺍﻟﺮﻭﺡ ﻭﺍﻟﻌﻘﻮﻝ
ﻭﺍﻟﻤﺤﺒﺔ ﺍﻟﺒﻴﻨﻲ ﺑﻴﻨﻜﻢ
ﻟﻴﻬﺎ ﻛﻴﻒ ﺍﻭﺻﻒ ﻭﺍﻗﻮﻝ
ﺟﻤَّﻌﺖ ﺑﻴﻨﺎ ﺍﻟﻤﻮﺩة
ﻭﻣﺎ ﺑﻴﻔﺮﻕ ﺑﻴﻨﺎ ﺯﻭﻝ

مجموعة المهاجرين
10-23-2014, 04:26 PM
اقتباس : المشاركة الأصلية كتبت بواسطة شموخ النيل

[ مشاهدة المشاركة ] (http://muhageren.com/vb/showthread.php?p=5585#post5585)

ﺍﻟﺠﻤﺎﻝ ﺍﻟﺸﻔﺘﻮ ﻓﻴﻜﻢ
ﻳﺪﻫﺶ ﺍﻟﺮﻭﺡ ﻭﺍﻟﻌﻘﻮﻝ
ﻭﺍﻟﻤﺤﺒﺔ ﺍﻟﺒﻴﻨﻲ ﺑﻴﻨﻜﻢ
ﻟﻴﻬﺎ ﻛﻴﻒ ﺍﻭﺻﻒ ﻭﺍﻗﻮﻝ
ﺟﻤَّﻌﺖ ﺑﻴﻨﺎ ﺍﻟﻤﻮﺩة
ﻭﻣﺎ ﺑﻴﻔﺮﻕ ﺑﻴﻨﺎ ﺯﻭﻝ


كل الشكر والامتنان على روعهـ بوحـكـ
..
وروعهـ مانــثرت .. وجماليهـ طرحكـ

عزيزيـ شموخ النيل

شكراً لمرورك الراقي

و زكريا صالح شاعر أنيق من أبناء عطبرة
يهمس درر و يصيغ أجمل المعاني

شموخ النيل
10-25-2014, 05:48 PM
تسلم الحبيب أستاذ محمد على روعة ما خط يراعك