المساعد الشخصي الرقمي

مشاهدة النسخة كاملة : مرق البيت


مجموعة المهاجرين
11-18-2014, 06:12 PM
مرق البيت
حترحل فى الدروب لى متين
من غير زاد رفيق ودليل
لياليك غارقه فى الدمعات
تشيل شوق الأهل والنيل
طرقك فترت خطوك
وعمرك كلو آهه وليل
شايلك للوطن شوقك
وصبرك ديمه باقى قليل
قلبك أدما كتر حنين
لأهلك أرضك النيلين
تعيش حاقب الأسيه براك
ومتوسد عذاب البين
حتفضل لى متين تنده
على الفرح اللى ضاع لمتين
أخيرلك للبلد أرجع
دروبك سايقه قول لى وين
لقيت فى الغربه ياما عذاب
وعشت غريب بدون أحباب
ليالى الوحده فيكا تسوق
وآمالك لقيتا سراب
براك لا أهل لا أحباب
ولا أعياد تدق الباب
منو الفى الغربه حقق أملو
ما لاقى الأمانى رهاب
حزين حتعيش عقاب عمرك
اذا ماشلت خطوك وجيت
وجابك لى حبايبك شوق
ولى بلدك كمان حنيت
قبال الأوان مايفوت
ومن الدنيا تطلع كيت
خلاص الرجعه حانت داب
تعال أياكا مرق البيت