المساعد الشخصي الرقمي

مشاهدة النسخة كاملة : كضب عليك


مجموعة المهاجرين
04-21-2015, 07:46 PM
كضب عليك
القال بجيبلك من طيور الريد حليب
فأسك أكان قطع الضرر
لا شك رويحتك جاها طيب
كتاحة الليك همبريب
تدخل تداعب فيهو مرق العنقريب
تسمعلك اصوات طقطقة
تلوليك أكان النوم بجيك
وتهدهدك أصوات أنينك وحرقتك
ما النوم بجيب اللوم
اخيرلك قوم
اذا قام اللهب
والدوكة وسخت المعاريك كلها
حرقت ولا فضل بياض
ضاقت طرق نوراً عراض
والعرضة في نص السكاليب
شالت الشبال من اللطمت خدودا
وشرطت جيب الحداد
قالت بتلبس لون ورود
كان دمها الفي جروحا فاض
محقون هو سمم روحا في ساعة المخاض
كل المدائن أجهضت جنياتا يوم شارعنا حاض
والساعة بتدق زي بتتمطق
تفتش لي طعم باكر وكت مسخ الزمن
والواطة تتقنع من الكتاحة خايفة من المحن
والموجة تتضرع هديك نص البحر
حلفت تموص طين المطيرة اللي هديماتن عطن
موية عوينات الصدق مربوبة ظن
بي شب صبنا نكحلن
مهبوشة يا بت الغنا
موجوعة والنغمة بتئن
ما الرقصة في عز الوجع
حرفة بتغطغط في الحزن
و آآآآآآآآه منهن
سهراجة للوردة بتجر
والقربة مقدودة بتخر
راكوبة ضيقة وما بتشيل
كترابة الشق والفقر

شموخ النيل
05-03-2015, 04:16 PM
روعة متناهية يا غالي
سلم يراعك