المساعد الشخصي الرقمي

مشاهدة النسخة كاملة : عيــونــك


مجموعة المهاجرين
05-14-2015, 03:17 PM
عيــونــك (https://www.facebook.com/notes/%D8%B2%D9%83%D8%B1%D9%8A%D8%A7-%D8%B5%D8%A7%D9%84%D8%AD-%D8%B9%D8%B7%D8%A8%D8%B1%D8%A7%D9%88%D9%89/%D8%B9%D9%8A%D9%80%D9%80%D9%88%D9%86%D9%80%D9%80%D 9%83/941095535940685)



عيونك زى فرح ممدود ليهو نكون أمل معقود
سنونك زى بريق عبادى أروع من عقيد منضود
وريدك يا أمل عمرى مالاقيتلو فينى حدود
باين فى سهاد عينى وخفقات قلبى دا المفصود

زى نسمات ليالى الصيف زى مطرا يجينا خريف
وزى الموج وكت مايهيج ما بقدر يصدو القيف
ورمشك فى كبد مجروح مغروس فيهو زى السيف
محتار فى زمانى الراح عشتو قبل ألآقيك كيف ؟؟

برحل فى سما الأحلام أنادى عليك والأفرح
أساهر كم أزامل الطيف على كل الدروب سواح
بقيت فى سوح هواك درويش وفى حضرة هواك مداح
أقول ياريتنى من أزمان لقيتك كنت كم برتاح

أعدى ليكا بحر الريد أقاوم موجة الأحزان
وأفرد ألف صارية حب ويبقى هواكا مرفا أمان
وأرسى على ضفافا سعيد أعيش طول العمر فرحان
واعيش فى دنيتك فنان أدوب فى الغنا الألحان

مهدي الغبشاوي
06-01-2015, 03:45 PM
التحية للشاعر زكريا عطبراوي