المساعد الشخصي الرقمي

مشاهدة النسخة كاملة : سبحان من يرزق بتوع الملاين


مجموعة المهاجرين
05-21-2012, 03:10 PM
واحد من الشباب راح يخطب عند عمّه المليونير



عمّه زود عليه الشروط شوي فقال:

سبحان من يرزق بتوع الملاين
الرازق الي ما يخيب الرجا به

لي عم عنده معرضٍ للصوالين
أموت واعرف بس من وين جابه

وإذا سألته قال بعت الدكاكين
ما يدري إني ما هضمت الإجابه

الشاهد إني رحت له قبل يومين
في قصره العامر ودقيت بابه

قال ارحب ارحب عدّ ورد البساتين
يا مرحبا بالي لفا يا هلابه

قلت البقا عدّ النفل والرياحين
يا شيخ شمل اهل الكرم والذرابه

قال اسلم الله يحفظك لي من العين
وآمر أوامر حضرتك مستجابه

قلت الصراحة طالبٍ قرب غالين
ودي تزوجني كريمتك يابه

ثنّى وقال اهلين والله وسهلين
والكون ترخص لجل عينك رقابه

لكن ترا عندي شروط وقوانين
قلت اشرط اشرط يا حبيب الغلابه

قال أولاً مهر العروسة ثمانين
غير الرسوم وغير حق العصابه

والثانية عمك يبي منك سبعين
رسم الأبوّة والنسب والقرابه

وام العروسة حقها منك ستين
عشانها ست الحسن والمهابه

واخوانها كلن يبي منك خمسين
عداً ونقداً تندرج في حسابه

وخواتها الخمس اعطهن من ثلاثين
عشان تتوثق عروق النسابه

وتجيب طقم عيار واحد وعشرين
وخاتم من الماس المصفى ترابه

واكياس متروسة كعوب وفساتين
ألوانها واشكالها ما تشابه

وموتر بسواقه وفيلا بدورين
أثاثها من بطرته ينحكابه

واحجز لنا قاعة بقصر السلاطين
واحجز بها رقاصتين وربابه

وامنع دخول اهل الحى والبزارين
واعزم أمير المنطقة بالنيابه

هذي الشروط الي على بالي الحين
وذكرني الي ما حسبنا حسابه

قلت اذكر الله يا عدو المساكين
واستغفره لا يبتليك بعذابه

الظاهر إنك منت عارف أنا مين
أنا لو ارقا فوق متن السحابه

ما جبت حتى نص درزن مواعين
واضحك بكيفك واعتبرها دعابه

شروطكم هذي شروط المجانين
شروطكم شغل ابتزاز ونهابه

شروطكم تقصم ظهور البعارين
شروطكم همّن وغم وكآبه

شروطكم والله سيوف وسكاكين
تذبح بنات المجتمع مع شبابه

وين الرضا والعطف واليسر والين
الي ذكرها الله بمحكم كتابه

وين الصفات الي أمرنا بها الدين
وين اختفى نهج النبي والصحابه

يا عم جعل الي خلقنا من الطين
يرد عقلك من خطاه لصوابه

ويجعل نصيبي عند غيرك قل آمين
ويحسن عزا الصابر ويجزل ثوابه

قال انت لو فكرت تفكير صاحين
ما شفت في مجمل شروطي غرابه

حنا بعصر العولمة والمزاين
ماهوب عصر الفلسفة والخطابه

الناس تسعى للرتب والنياشين
وانت اهتمامك بالشعر والكتابه

والشعر ما ينفعك لو هو دواوين
ما دام جيبك مثل بيت الخرابه

يا بوك لا تسمع كلام المصاخين
واسأل مجرب عاش في وسط غابه

قلت الله اكبر يا محر فلسطين
من يسمعك يحسبك ذيب الذيابه

تراك شايب راس مالك ريالين
والبنت ما تسوى جناح الذبابه

قال انقلع مالت على وجهك الشين
لا عاد اشوفك عندنا يالزلابه

قلت ابشر ابشر لكن الباب من وين
واقفيت من عنده على صوت بابه

إبراهيم يس
05-23-2012, 07:30 PM
والله ما خليت ليه جهة يرقد عليها

أمنية
05-30-2012, 07:28 PM
http://t2.gstatic.com/images?q=tbn:ANd9GcTRumS3hKraB3QUCGDEhWGhhNPX-NRn-R-ycYj1OTdp7ZUkZLvd


http://t3.gstatic.com/images?q=tbn:ANd9GcSu4ydXITJBIyjwsuv5uKL10gXxyj3Mp OisBfqbpRt4nsIkthtB5Q

مجموعة المهاجرين
05-31-2012, 04:41 PM
اقتباس : المشاركة الأصلية كتبت بواسطة إبراهيم يس [ مشاهدة المشاركة ] (http://muhageren.com/vb/showthread.php?p=1383#post1383)
والله ما خليت ليه جهة يرقد عليها


الله يديك العافية يا خاااال

مشكور علي المرور

مجموعة المهاجرين
05-31-2012, 05:01 PM
اقتباس : المشاركة الأصلية كتبت بواسطة أمنية [ مشاهدة المشاركة ] (http://muhageren.com/vb/showthread.php?p=1433#post1433) http://t2.gstatic.com/images?q=tbn:ANd9GcTRumS3hKraB3QUCGDEhWGhhNPX-NRn-R-ycYj1OTdp7ZUkZLvd





http://t3.gstatic.com/images?q=tbn:ANd9GcSu4ydXITJBIyjwsuv5uKL10gXxyj3Mp OisBfqbpRt4nsIkthtB5Q



تسلمي كلك أمنية

و صحيح خير الناس أنفعهم للناس

و من يسر علي مسلم في الدنيا يسر الله عليه في الدنيا و الاخرة مشكورة علي المرور

زينب
06-05-2012, 04:51 PM
سبحان الله

عبد المعروف
06-26-2012, 07:47 PM
أقلهن مهراً اكثرهن بركة

بارك الله فيك أبو احمد