المساعد الشخصي الرقمي

مشاهدة النسخة كاملة : بتأملك


مجموعة المهاجرين
11-28-2012, 07:00 PM
لطالما هِما علي ارشفة الفرح
و تأملات الدواخل
فرفشنا مذاق السماحة
و تراشقنا ببلورات المودة و نظرات الحنين

و هنا تأتي كلماته تدل علي الحنين العطبراوي طيبةً و طبابةً
الشاعر / زكريا صالح


و بتأملك


بتأملك زي السحابة تمرى تبخلي بالسلام
مشدوه أقيف في حضرتك يا السمحة يغلبني الكلام
بتأملك
منك بترحل المواسم النائمة في حضن العبير
والليل يذوب في نور جبينك يلفظ النفس الاخير
زى الصباحات تطرزى وشك قمر شعرك حرير
والطلعة زى العيد تهل كل القوافل ليك تسير
بتأملك
يا كرنفالات الهنا الممدودة في عيون الزمن
نظرات عويناتك تمائم تحمى من سحر الحزن
مشرورة فوق هدب الغيوم مطليه بى فرح الوطن
كل الغناء الغنيتو فيك ذوب جليد ليل الشجن
بتأملك
بتأملك زي روح طفل بيتأتي فوق غيمة فرح
مرسومه في عينيك صور ألوانها زي لون قوس قزح
تكشف شجوني مع هواك آآآه سرى فيك كان انفضح
ضج الكلام جواي حبيس مزماري في حبك صدح
بتــأمــلــك
بـتأملـك
بتأملك

عاطر التحايا

بت الشمال
12-15-2012, 06:19 PM
رائعه و فوق حد الوصف مشكور استاذ زكريا و مشكور استاذ محمد لانتقائك الجميل