الإهداءات




صوت الغضب

الشاعرة ماجدلين سعد جادين


 
#1  
قديم 07-31-2013, 01:12 AM
مجموعة المهاجرين غير متواجد حالياً
لوني المفضل Cadetblue
 رقم العضوية : 1
 تاريخ التسجيل : Dec 2011
 فترة الأقامة : 1820 يوم
 أخر زيارة : يوم أمس (03:35 PM)
 المشاركات : 1,455 [ + ]
 التقييم : 10
 معدل التقييم : مجموعة المهاجرين تم تعطيل التقييم
بيانات اضافيه [ + ]
Thumbs up صوت الغضب




صوت الغضب

سكت جُوّاك صوت الريد
وغرقت بيك مراكب الهم
وتاهت فيك مدن عشمك
وضاعت فيك معاني الذات
وما هزَّتني مأساتك
وصغرت فيني آهاتك
وكبرت فيني ... لا ياك البتنفعني
ولا في يوم بتستاهل تكون جنبي
ومادايراك عشا البايتات
ولا رُكَّازة تسندني
ولا بتحميني في النايبات
ولا لوليت طفل ما بشبه الشُفَّع بكاهو نحيب
ولا ببنيك بيت من قش أساسو لهيب
خلاص بعدت مسافاتنا
ومحال ألقاك تاني قريب
وأنا الفاكراك حبيب بالجد
وما قايلاك شبه حبيب
والعود البقول لك طق ... أكيد مشقوق
ولا بنفع مِرِقْ لي بيت
ولا بنفع يشيل راكوبة تشعر فيها
تترنَّم تقول دوبيت
ما أصلو التسوّي كريت
بتلقا العميا في جِلِدا
وتتغابى وتقول يا الله شن سوّيت
وما لَمّيت
علي زولاً بتاوق لي مشاعرو رهاب
واتاكي الباب
عشان أدخل علي القلب المستَّف ريد
ولا حسّيت خيوط ريداً ضعاف بالحيل
بنت بيت العناكب في جدار ريدي
ونزَّلت البيوت بي لمسة من إيدي
ولا حنّيت عليك يا عنكبوت واهم
غزلت خيوطك الواهنة وما قوّيت
ولا جاني الهداو الله عشان يقنعني بي قولو
ولا الإقناع مُمَثَّل فيك
عشان تبنيهو صرح الريد
مُمَرَّد بي قوارير عشك الزايف
ولا سليمان أكان خايف
ولا بلقيس مُمَثَّلة فيني شان أدخُل قصُر حُبَّك
وأكشف عنُّو ساق ريدي
ولا فكَّرت في إنُّو القزاز موية
عشان أبحر وأكون عميان وما شايف
ولا حُبَّك عصا موسى
عشان تلهف مشاعري ومعجزة تسمّيهو ريدك لي
ولا فيك الزمن واقف
ولا شدَّاد ولد عنتر عشان يدمن عشق عبلة
ويقَبّل لي سيوف موتو
ولا عبلة البتشبهني
ولا بنشبه زمن فيهو الغرام قصَّة
وكان فيهو العزول جلاَّد رفع سوطو
ولا تقول لي بكون قيسك
وليلى تكوني قِدَّامي
أجن وأسرح وأسافر فيكي إلهامي
وما دايراك تكون لي لحظة أحلامي
بقيت كابوس بعكّر صفو أيَّامي
ولا بشحد وأمد إيدي
عشان تدّيني فتفات وعد
عفيف كفّي بيربط لي بطُن حلمو
وأتقّلا بي حجر من صد
وما محتاجة جَزْر ومَدْ
عشان نيلك اعطشني
ولو في يوم رضى ودفَّق بزيد بالحيل
وأشرب لي جدار صبري واقول بنفد
بيوتي كرامة ساسا متين وما بتتهد
سعيد في غُربتك عني ... أنا الأسعد
تعيس حيران عليك بزعل
وما بنساها كلمة وُدْ
برسّل ليك خطاب مخصوص ... حروف رحمة
عناية المولى تتولاَّك
وما منتظرة مِنّاك رد
وآخر القول طرف جوابي فيو ملحوظة أقراها
منو القال ليك تقاضيني
علي تحكُمْ تقيم الحَدْ؟!
منو القال ليك إرتدِّيت
هو كان آمنت بيك أصلاً
عشان أرتد !!!!!!!!



 توقيع : مجموعة المهاجرين

.. أبدع في مواضيعك .. وأحسِن في ردودك .. وقدم كل مالديك .... ولا يغرك فهمك .. ولا يهينك جهلك .. ولا تنتظر شكر أحد ..
.. بل اشكر الله على هذه النعمة .. ولله الحمد والشكر .... ان عدد مواضيعك ومشاركاتك ليس هو الدليل على نجاحك ..

.. بل مواضيعك المتميزة و أخلاقك الرفيعه ..
.. وعدم ردنا على موضوعك ليس تجاهل منا ..
.. اخيراً المنتدى للجميع فتصرف كصاحب المنتدى .. وليس كضيف ثقيل ..

أهلا ومرحباً بجميع رواد منتدي مجموعة المهاجرين لتعليم المناهج السودانية


رد مع اقتباس
 

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الغضب أمنية المنتدي العـــام 1 10-17-2012 01:53 AM


Loading...


Powered by vBulletin™ Version 3.8.7
Copyright © 2016 vBulletin Solutions, Inc. All rights reserved. diamond
F.T.G.Y 3.0 BY: D-sAb.NeT © 2011
HêĽм √ 3.2 OPS BY: ! ωαнαм ! © 2011-2012
Ads Organizer 3.0.3 by Analytics - Distance Education
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51